荷里活爆笑戇男洛舒奈達(Rob Schneider) 2007年又有新搞作。《戇直舞男》演過激笑舞男，抱住假腳都照咀；《獸身戇男》移植動物器官，隨時獸性大發生擒靚女；《戇男有2性》索女上身，一人玩盡兩「性」；洛舒奈達已經憑住抵死表情同扮鬼扮馬搞搞震的身體語言，穩站荷里活最騎呢爆笑天王之位。今次他自導自演，為自己度身訂做笑位，肯定有更強發揮。 戇男Stan 因為騙術渣到唔入流，結果失手被擒，行騙罪名成立，即將入獄。坐監佢唔驚，最驚反而是在獄中被人性騷擾。為保住英偉巨躉，入獄前，他拜了由《標殺令》大衛卡列甸(David Carradine)飾演的武術奇人為師，務求學識速成防狼術。憑住一身絕技，佢成功在獄中將危險化做笑料，以笑聲收服一眾窮兇極惡罪犯，實行上演《逃》喪笑版，YEAH！