《搞乜鬼咁多災爛片》講述型男威爾失驚無神夢見預言世界未日的水晶骷髏頭，醒來竟發現女朋友艾美同疑似hip-hop影星Flava Flav 送贈的大綠帽一頂。 剛被飛的威爾打算去派對散心，點知紐約一夜之間地震、行星墜毀兼落雹，就連龍卷風都來贈慶。 為保小命，威爾要同親友去艾美打工的英國生物歷史博物館，將神秘水晶骷髏頭歸還聖壇，阻止源源不絕的騎呢災難。呢個時候，威爾失散多年的探險家老豆殺出，接手「歸還骷髏頭」任務，點知衰咗… 威爾接收咗左老豆留低的戰衣──牛仔帽加皮鞭，同埋拯救世界的重任。究竟威爾能否改變自己條命，重奪艾米芳心？又能否及時歸還骷髏頭拯救世界呢？